وش فايدة قولة هلا

مساكم الله بالخير

أضع بين ايديكم هذه المتواضعه الجديده

واتمنى ان تنال على اعجابكم

#poem_4caf476f74fa7 td {
font-family: 'DecoType Naskh', Arial, Helvetica, sans-serif;
font-size: large;
font-weight: bold;
}

ياصدري اللي حيره ظنٍ على علم وكاد
	يامسندي هات الخبر وأم الشحم لي مدها
وش فايدة قولة هلا من غير نفس ولا وداد
	وش جاك مني يارفيقي والحقيقه عدها
أطلق عنان السالفه خل المغازي والهجاد
	دام العرب مستنذره لاعاد تقرب حدها
هيد عن اللي صد بك جنب طواريق العناد
	شوف البشر ماتلبس ألا ثوبها اللي قدها
بعض القلوب الله دخيلك تنهزم يوم الطراد
	جاها بلا من ضعفها والخيل تلعن جدها
ألكد فرسك اللي رمت بك جاك مضمون القناد
	أشرب فناجيل الندم ونشوف وين تلدها
أبراي لله ماظلمته واقفٍ دونه سناد
	عيطا سنود وماينوشه مزحها من جدها
ثابت كما سلمى وأجا محسوب من فوق الشداد
	بس المصيبه لاكبرت ماعاد تقدر سدها
رجلٍ تعزه تحشمه ماتدري ألا عنك صاد
	أثر العقول مشكله مثل اليدين ومدها
النار ياللي تشعمه عقب التوهج للرماد
	ماينفعك كود اللذي عسر الصعايب هدها
غارٍ يظلك بالذرى بالقيظ وألا بالبراد
	حملك يشيله كالجمل وأليا تكاود شدها
ماتزعله زلة رفيقه لو تناقلها السراد
	الهقاوي حاضره يوم الهلامه ردها
يالله عسى من غرته دنياً مرده للنفاد
	يسقط مابين المهلمه لاضامته ماضدها
يقوله اللي مثلكم محسوب من عرض العباد
	والكامل اللي يحصي أرزاق البشر ويعدها